కోటి నిజాలను కలవనివ్వనీ.....

వెక్కిరించిన వెకిలి నవ్వులే,
వెంట వచ్చే వారదవ్వగా...
మొదలు పెట్టన నీ ప్రయత్నం,
మరో మార్పుకి నాంది పలకనీ....
అడ్డు తగిలే అడ్డు గోడలే,
ఆలోచనలకు ఆద్యమివ్వగా....
అలుపెరుగని నీ జీవనయానం,
విజయ కాంక్ష కు చేరువవ్వనీ.....
చేత కాదని చాటిన వాల్లే,
చెమ్మగిల్లి చేతులెత్తగా.....
కడతేరని నీ కలల ప్రయాణం,
కోటి నిజాలను కలవనివ్వనీ..... 

క్రుషి,కసి నీతో విశ్రమించగా,
ఓడిన ఓటమి ఒంటరి కాగా,
నీ కంట్లో కలిగే విజయానందం,
కనగల భాగ్యం కలగనివ్వనీ....