Real facts

ఉన్న మనిసి కి మనసే లేదు....
రాని మార్పుకు ముహూర్తమెందుకు ?
మనసు లోపల మమతే లేదు....
మేమున్నామంటూ మాటలెందుకు ?
సాయం చేసే మనసే లేదు....
పెట్టెల నిండ డబ్బులెందుకు ?
చేసే పనిలో స్పష్టత లేదు....
రాత్రి కలల్లో మేడలెందుకు ?
నిజాయితీకి కాలం లేదు....
అది ఉన్న వాడికి జననమెందుకు ?
ఆలోచనలో అందం లేదు....
దేహం పైన రంగులెందుకు ?
డబ్బు నీడలో తీరిన దాహం,
దారంతా నీ తోడుంటుందా....?          

తోడుంటే నీ బతుకు ప్రయాణం,
తీరం చేరుట వీలవుతుందా....?
తీరం అంటే మరణం కాదు....
మరణం అయినా అమరం చూడు......