ఆకాశ విహారయాత్ర

జాబిలి కమ్మని వెన్నెల వెలుగులో,
చల్లని చినుకులు నను తాకిన వేల...
చక్కని చుక్కల పందిరి నీడలో,
కమ్మని గాలులు నను మీటిన వేల...
మదిలో బాధలు మాసేలాగా,
అణువణువు తెగ మురిసేలాగా...
నా తలపులలో ఓ చల్లని ఊహ,మనసంతా మురిపించిన ఊహ...
కల్లముందరే కదలాడింది....ఓ కమ్మనైన నా ఈ ఊహ..
నువ్వేమో నా ముందున్నట్లు,
నేనేమో నిను చూస్తున్నట్లు....
నీ ఒడిలో నే పడుకున్నట్లు,
కథలెన్నో నువు చెబుతున్నట్లు...
అన్నయ్య అనుభందం తోటి,
మేఘం అనబడు రెక్కలతోటి,
చంద్రుని చెంతన మనమున్నట్లు,
ముచ్చట్లెన్నో చెబుతున్నట్లు,
సర్వం తెలిసిన చంద్రునితోటి,
ఎన్నో లక్షల చుక్కలు దాటి,
స్వర్గంలోనికి అడుగిడినట్లు,
ఆ చోటంతా మన వశమైనట్లు....
నారదుడను ఓ సారధి తోటి,
విలాసమయమగు స్వర్గము దాటి,
బ్రహ్మలోకమున మనమున్నట్లు,
చదువులతల్లిని చూస్తున్నట్లు....
దివ్యదంపతుల దీవెన తోటి
ప్రశాంతమయమగు ఆ లోకము దాటి
కైలాసమ్మున కాలిడినట్లు,
శివనాట్యమ్మును చూస్తున్నట్లు...
సారధి చేతిన వీనను మీటి,
సౌరమండలము సైతము దాటి,
క్షీరసంద్రమున వెల్తున్నట్లు,
ఆదిదంపతుల ముందున్నట్లు,   
ఆకాశం మన ఇల్లైనట్లు,
దేవతలే మన వాల్లైనట్లు,
చంద్రమండలము మన ఆటస్థలముగా,
బ్రహ్మలోకమే మన విడిది ఇల్లుగా....
అణువణువు అలోచనతోటి,
ఊహిస్తే మన ఊహలు కోటి.....