అలవోకగ నీ గెలుపే రాదా

తెరచి ఉన్న తలుపేం లేదు,
తెలియకుండా తేవడానిక...
ఒలిచి ఉన్న పండూ కాదు,
మిగలకుండా మింగడానికి...
ఎవరూ లేని అనాద కాదు,
పిలవంగానే రావడానికి...
ఆగి ఉన్న బస్సూ కాదు,
విజిలేస్తేనే వెల్లడానికి...
వాలిపోయిన సూర్యుడు కాడు,
వెల్లంగానే రావడానికి...
దాటిపోయిన సమయం కాదు,
పూటపూటకు చూడడానికి...
వదిలేసిన వస్తువు కాదు,
వీలైనప్పుడు వాడడానికి...
నీవు పెట్టిన చట్టం కాదు,
నీ చుట్టూనే తిరగడానికి....
అంచులకేగి జారిన వాల్లు,
అంచలంచలుగ చేరిన వాల్లు,
పేరింటేనే బెదిరిన వాల్లు,
ఏదేమైనా కదలని వాల్లు,
చూస్తూ పోతే చాలా మందే...
భయమును ఎరుగని మది నీ రథమై,
కసితో కూడిన క్రుశి ఆయుదమై,
సాహసమే నీ రథ సారది గా,
అలుపెరుగని ఓ యుద్దం చేస్తే,
అలవోకగ నీ గెలుపే రాదా......