ఈ తరం మగువ తీరు

పేరుకు నే మగువనని, బయటిపనికి తగను అని,

ఇంటి పట్టు ఉండమనే చిన్నచూపు దేనికో....

చూపుకు నే వనితనని, పెద్దపనులు వద్దు అని,

దూరంగా వెల్లమనే అల్పదృష్టి దేనికో...

శతాబ్దాల కాలంగా ఏ అతివ అడగలేదనో,

దశాబ్దాల కాలంగా ఏ పడతి ప్రశ్న లేదనో...

నిన్నవరకు జరిగింది, నేటి మొదలు జరగదిది..

గతంలోన సాగింది, ఈరోజు మొదలు సాగదిది....

సాధనతో వచ్చేదే విజయమని వాధిస్తే,

మగ అయిన, మగువైనా  ఆ సాధనేమొ ఒకటేగా...

ప్రయత్నానికోచ్చేదే ఫలితమని అంటే,

పురుషుడైన పడతైనా ఆ ప్రయత్నమేమొ ఒకటేగా...

పల్లము ఓ వైపుంటే ప్రవాహానికి తనకేంటి,

తూర్పైనా పడమరైన, ఏదిక్కుకైన దా సోహమే...

ప్రయత్నాన కసి ఉంటే విజయానికి తనకేంటి,

ఆడైనా మగ అయినా ఎవరికైన బానిసే....

గతంలోని మగువకున్న అనుకువంత మసిచేసి,

ఈ తరంలోని మగువలకది శక్తిగానె మలిచేసి...

వస్తున్నా కాలమా విజయమనే వేటకి...

ఈ మగువకున్న తెగువ చూసి నీ చేతనైతె ఆపుకో....

అడుగేస్తున్న సమయమా నీ యుద్దమున్న చోటుకి..

కొండంతటి శక్తితో నీకెదురొస్తున్నా కాచుకో....