ఎన్నాల్లైనా నిన్నల్లోనే, నీ ఊహల్లోనే ఉన్నాను...

ఎన్నేల్లైనా నా కన్నుళ్ళోన, నీజతగానే  ఉన్నాను...

కాలమనే ఈ మాయాజాలం, నా నవ్వులనే నట్టేట ముంచినా,

కావ్యమనే ఈ పదసంచారం, మన జ్ఞాపకాలలో విహరించనివ్వనీ...

నా మౌనంలోనూ నీ ధ్యానం, ప్రతి గానంలోనూ నీ స్మరణం..

నా ప్రతి వేకువలోనూ నీ స్వప్నం, ఏవైపు  చూసినా నీ రూపం..

గడిచిన గతమే నడిచొచ్చేలా, నా అణువణువూ నీ జ్ఞాపకమేలే..

మిగిలిన స్మృతులే ఓ పవనం లాగా, క్షణక్షణమూ నా మేను తాకెలే...