లక్ష్యం లక్షణం

అందదుగా ఆకాశం ఎగసిపడే ఏ అలకు,

అవి ఆవిరిగా మారిపోయి గాలిన కలిసేవరకు..

ఆవిరైన అలలేగా ఆ మేఘమందు చేరింది..

దారైతే మారింది, కడలి కల మాత్రం తీరింది..

అలలజడై పొంగినపుడు అందని ఆ ఆకాశం,

ఆవిరిగా మారినపుడు అందిందని తెలుసుగా...

ప్రయత్నాన ప్రత్యామ్నాయం, ఈ ప్రకృతికే అవసరం,

ఒక ఓటమికే వెనుతిగుట, మనకు ఏమాత్రం సమంజసం?

అసలుసిసలు విజయానికి ఓటమెపుడు సగభాగం,

ఓటమంటె నిజానికి విజయానికి మరో పదం…